未夠, 仲未夠, 要多一個月先可以開始做野, 都係時候stuff myself up...

Have been work for 2 weeks, finally i started to get some work to do, or maybe this is just a part of learning process...targeted to be done on fri, but I seem the earliest would be monday night......hope I can show some performance later -> raise my salary -> more money to spend....hahaha

pic taken at KFC...

looks like 'Good' is not enough to show how good their chickens are...

番左咁多日工發覺公司無靚女, 得個receiption個樣比較ok...makert sharing達100%...睇黎都係唔洗係公司做野...冇靚女, 工作總提唔起勁...teammate又唔出夜街, 無人帶我去玩...點算...女啊, 你係邊啊...

近排日日見到徐步高...你真係heat...

但係我發覺我都唔弱, 我個xanga都上左google...
http://www.google.com.hk/search?hl=zh-TW&q=OSIM%2C%20%E6%94%B6%E8%85%B0&btnG=%E6%90%9C%E5%B0%8B&meta=lr%3Dlang_zh-TW
今次上左位, 重要係因為咁既entry上google, 感覺真係有d羞家, 其他d website都好正經, 唯獨係我寫埋d "好淫""好淫"既野, 但係諗落好似得我一個踩osim部野, 令個xanga紅左, 少少自豪...我真係short short 地...

家人常將生死放在口邊, 阿爺阿麻講得最犀利, 一個話自己就死, 另一個叫佢快d死, 對比起其他家庭, 我屋企d人真係怪怪地, 我懷疑我short short地既性格係咪佢地遺傳俾我既...

小巴的確係一部好車, 因為佢可孕育好多車手出黎, 如果澳門有小巴grand prix, 頭三名一定係香港車手...

返左一個禮拜工, 一d野都未做過, 淨係要我學redhat linux個enviornment都用左大部份時間, 仲要學apache, perl, cgi, mysql, 睇黎下個禮拜要做野, 唔係三個月後既review就凍過水...

基本上番工真係近乎零壓力, 壓力只係黎自自己, 見自己做唔到野都真係有d驚, 好彩成team人都好nice, 好肯幫我, 見我個mon有鬼影就成team 6-7人走黎幫我fix, 好團結...最開心係間公司有十幾人玩travian, 我果team有7-8個, 但就唔同server, 就即刻俾個分身acc俾我玩...可以同d識既人玩真係正好多...另外間野真係好free, 好hae...只見大家番工遲到早退, 打wining, travian, 睇報紙, 新聞, 雜誌, 玩股票, 食零食, 吹水不停, 重不OT, 重來唔會有人理你做緊d乜, 依d係咪dream job啊...

cyberport環境真係好靚, 遲d影d相俾大家look look...

how can i stop a person from making on9 decisions...somebody help me...hong kong is sure not a safe place for me...can i hang on for more than a year???...i really wanna cry..

愉景灣-尚堤...isn't that my dream house???

gosh....i want that...

不停shopping...發覺d sales真係講野講得好快, 記番林海峰個show..."多哂拜"...=.=...開始時覺得好反感, 後黎諗番起以前做熊貓果時d野, 要係個客踏入門口叫野食前個剎那講一串野歡迎既說話, 正常速度都要講2-3秒, 但係d客唔會等你講左先叫野食, 但係你唔講又會俾老細插, 所以只好將2-3秒既野用1秒內搞掂...諗到依點, 我又覺得佢地好可憐, 佢地都唔想咁快, 但係唔快唔得...可憐既小職員...

仲有好多野未買...點算...

要留係香港啦...依幾日, 不斷購物, 買得重多過想走果時...

睇電視知道, 依家結婚廿萬係最低消費......問番老闆, 原來依家擺酒已經唔可以賺錢...通常酒席都係酒店擺, 大概$8-9000一圍, 一圍12人, 公價人情$500, 只有$6000番到黎, 一圍要貼$2000+, 重要唔計有d你既朋友只俾一二百, 甚至有pk放報紙, 到時真係血本無歸, 你想擺50圍? 你無10萬都唔好諗啊....我重諗著要28歲結婚, 4年點儲廿萬啊, 咪玩啦...我總於明白點解依家d人咁遲婚...

Osim 近排出左部機收腰收臀部...硬係覺得部野好淫...真係好淫...

廣告: http://www.youtube.com/watch?v=gDZnvkqClmA

係街度見到d姐仔坐上去demo, 真係無辦法唔令我諗起d淫野...索既重好地地, 見過隻海獅坐上去感覺真係非筆墨所形容...
後黎好多廠都有造埋同一樣差唔多既野, 搞到周街都係...我受夠啦...

As most of my fds know, I got job offering in hk. Thank you for all your support...

Today, I got a better job offer and I lost my cellphone...Should I feel happy or what?...

What a day...

唔玩接龍啦, 開個新entry算...

2/27
終於可以同大山, 灰熊食飯...之前又話依個唔得閑果個唔得閑...估唔到大家都無乜點變, 重係中學果時個樣, 傾左好多依7年大家所發生既事, 但係睇黎我最無用...要加把勁啦...希望等大家得閑可以再出黎食飯...

2/28
終於知到信和, 潮流特區點去, 但係都唔知有乜好行, 見到阿dep隻野, 成個睡袋咁大, $500......唔夠錢買, 最終買左對鞋, 我有鞋著啦....haha....走去深水步, 行下鴨寮街, 黃金, 高登, 又唔知有乜好行, 記得以前行依d地方好開心嫁...

老闆係大陸開會返唔到黎, 咁夜晚就豪一次到美心鋸排, 撞正個可愛既落單員...

我: 唔該什排鐵板燒...凍零茶...
佢: 係度食定拎走?...
我: ...(玩野啊! 鐵板燒點拎走啊!!!)...拎走啊唔該...
佢: 鐵板燒唔拎得走喎先生...
我: (笑著)咁咪係囉, 你又問我拎唔拎走...
佢: 唔好意思啊先生...
我: 我講笑唧, 唔好咁認真...

認真得意...

3/1
有個2nd interview, 其實都唔算interview, 係度係禁問6個月可唔可以pick up到d野, 3個月? 1個月?...又番去等消息...

今日見到方力申個廣告, 完全地俾佢fake左...

開頭一睇, 以為係賣健身廣告, 睇落d, 你做乜拎著碗飯, 再睇過d, 金象牌泰國米...妖...

積著好多日xanga未寫, 依次賴野啦...

2/22

"問我有沒有 確實也沒有
一直躲避的藉口非什麼大仇"
Eason真係正...買左隻碟...

同兩個阿姨吃飯, d魚生好正, 個飯仲係美國size, 好飽, 仲有甜品...

Passion Fruit Tiramisu...um...好好味!!! 好想學整, 可惜我已經唔再整tiramisu, 果種味道都係留在心中吧啦...咁好食都係有代價既, 賣單盛惠$540, 仲要搶俾錢搶輸左, 真大鑊, 番一番香港搞到一屁人情債...

2/23
Interview with Cathay Pacific Catering Service...話明係catering service, 都唔知點解要請programmer...一去就去到東涌, 真係好鬼遠, 來回用左$100車費, 真係好容. 去到門口俾個security用唔知咩話停著, 走埋去問佢乜事, 佢又用唔知乜話同我講既...心諗你講乜春啊, 後黎先知要check我袋, 頂...請個識講中/英文既人啦...入到去做左好多唔識既問題, 就打發我走, 應該無行啦掛, 走時又係個security叫停我...袋啊嗎, 俾你check啦...出到東涌地鐵站, 黎到咁遠, 就食下野獎勵下自己...

都唔記得佢叫咩名啦, 淨係知佢成$55, 好q貴, 好唔好食???OK啦, coldstone好食d, 又大份d...上到車, 老闆要我到阿麻度食飯, 返正時間早, 走左去apm行行, 見到依幾個人...

草蜢, janice, 古巨基...都唔知點解我要影佢地, 但係唔影又好似好洩咁...今日係咁多...

2/24
"When a machine is too smart for people to operate, people will define it as dumb machine"  -Tommi

Interview with Outblaze, which located in cyberport. Alright, sounds great...go across the Hong Kong Island, approximate time used 90mins...=.=...依家先知數碼港係邊, 去到棟野樓下見到有升降機就衝入去, 入到去...依???無掣既, 點上去啊? 見無人係裡面, 就試下睇下係咪聲控既...十一, 屎依, eleven, 開門, open...無反應, shit...後黎發覺有開/關門掣, 即出大堂...心諗無掣點上去啊...行埋一邊, 見到?袀?number pad, 就玩下禁11, 佢就指左我去其中一部升降機, 我就跟著去, 點知部升降機唔洗叫/禁掣自己上11樓...=.=...心中暗叫, "what a dumb machine", 果然係數碼港, d野好鬼先進, 上到去又係test, 九成唔識...死得, 跟著做interview, 同佢傾左個幾鐘, 都幾輕鬆, 希望有機...

2/25
上左大陸, 一個來自美國既電話, 令本來已經得返廿蚊既電話咭得返九蚊...要急速加錢...去到樟木頭, 總感到生命又一次受到威脅, d車亂咁行, 由四方八面撞埋黎, 有一次真係忍唔著驚到要拖著徐老闆隻手過馬路, 無特定行車線, 逆線行車司空見慣, 行三尺響一次horn, 向垃圾桶痾屎痾尿, 周圍都係西裝友, 好多太空強國既文化一次過見哂, 我要黎幾多次係唔洗再黎啊...

係樟木頭行mall, 行至男裝部, 發現"柒牌男裝", 可惜我唔敢帶相機同camera phone上陸, 唔係一定影低佢...著左"柒牌", 唔知會唔會柒d呢? 唔柒又點叫"柒牌"啊...

終於試左咩係雙皮奶, 好正...我要學.........

2/26
去左個唔知咩教育與職業expo, 都係得d傳銷同政府工, 小廢...只係有人不斷要你買賣基金同保險...忍唔著走左...走時聽到兩母子情深對話...

母: 讀書啦, 會考啦! 唔好掛著打機啦...
我: ...(暗笑中)...
子: 得啦得啦, 耐唔耐打下渣嗎...
母: 俾d心機啦仔, 讀副學士好貴嫁, 成廿幾萬一年嫁...
我: ...(嘩...咁q貴嫁)...
子: 得啦得啦, 我布晒d精讀班啦...
我: ...(高分低能)...

好topical既香港母子...