下著大雨, 想想可以洗走近日悶熱既天氣, 其實不錯...

管他的狂風驟雨, 心中早有數樣東西想買, 有機會過海就到旺角走走, um...就在今日了左d心事吧...

走到相機鋪, 找著枝35/2這可遇不可求的東西, 果然係遇唔到, 但就見到枝18-200vr只賣5988, 好似平左, 有少少心動了, 但知道係無可能, 還是走吧...鏡買唔成...

走到game鋪, 找著應援團2, 見到呆左, 320???...早兩日係188先見到258, 你無野啊嗎, 平時係你度買都係最平, 今日發生咩事, 還是走吧...game買唔成...

走到旺電, 找著harddisk盒仔, 到處也找不到, 找到的, 價錢都不合理, 心想旺電黑店多得很, 不在這買了, 還是走吧...盒買唔成...

外面下著大雨, 走到郎豪坊, 無聊到處逛, 電話找著朋友, 試試之後能做點什麼, 不是無人聽便是唔得閑, 無聊頂透, 還是走吧...fd約唔成...

走到灣仔, 找著我今日必定要買既harddisk盒仔, 找到想買而價錢合理的了, 正想問sales要個盒, 電話嚮起, 終於可以見到你, 就等等吧...等著等著, 副con越黎越乾, 頂唔順要滴眼藥水...滴左眼藥水, 舒服多了, 水汪汪的眼睛流著兩行多餘的眼藥水, 像是哭了出來般...突然覺得自己好可憐, 心想著一直困擾著自己既事, 心情直墜谷底...還是快把藥水抹掉吧, 深呼吸一下, 收拾心情, 繼續等...meet到友人, 買左盒仔, 走到街上, 下著大雨, 感覺總是迷茫...別了友人, 坐車回家, 感覺怪怪的一天...