又過左個禮拜, 只有一個人既禮拜, 感覺一般, 只能用無聊黎形容, 以前有阿爸係度其實都唔係咁多野講, 依家真係零說話, 感覺孤零零...都係想有一個人係身邊, 可能我已經有想結婚既念頭, 可惜無女要, 睇黎我都要跟著個trend, 番大陸娶妻啦....

成個weekend都有酷熱警告, 出街會熱死, 但係唔出街又悶死, 星期六下午就諗著去黃金買返個external harddrive, d野唔夠放...行行下, 好多人, 唔想行, d harddrive好貴, 唔想亂咁洗錢, 最後都係放棄, 鏟左harddrive d野算, 行多陣, 見到ndsl, 公司有人玩, 重好似好正, 走去問價, $1200, 好似好平, 再面對sales一輪攻擊, 唔得, 要即刻走, 好彩醒得早, 唔係我可能俾左錢...

星期日, 真係頂唔順, 熱到仆街, 一點走左去游水, 行去泳池未落水已經濕曬, 頭髮可以滴汗...唔理得咁多, 一野跳落水, 以為好涼, 點知d水係熱既, 已經曬熱曬...唔理, 游水, 游到悶, 週圍望睇下有冇女, 竟然無女, 乜香港d女唔怕熱嫁咩, 咁熱都唔游水, 失望, 走人....沖涼抹干身番屋企, 番到屋企又係濕曬, 沖左等於無沖, 係屋企又沖過, 再搞依樣搞果樣, 咁又一日........好!!!!今晚睇英格蘭...

好快就可以見到一d熟識既面孔, 好期待, 好掛著你地啊...