又一個禮拜, 不停被吹, 不停開會, 不停地不停地...星期二自己整左兩個月既果舊野要launch, 好驚...因為公司都冇做依方面既野, 經驗有限, 都唔知出街後有咩事會發生, 好驚個site會俾人attack啊...

手痕買左NDSL, 好正, 同公司既人玩8P bomberman同mario kart, 食完飯玩, 放工又開個confenence room玩, 大家已達瘋顛狀態, 自己一個果時就玩brain age同應援團, NDSL停不了...

上個星期日做義工, 係理工有個樂智傷健同樂日...

落著雨...

都重好多人啊...聽聞有1500人
 

被派去秩序部維持秩序, 其實係周圍hae...

依個靚仔成日走過黎話要生得高過我, 見一次話一次, 最後見同佢有緣, 就影返副相, 左面果位係我當日先識既義工之一, 叫Iris, 唔知點解我地做做下野就一齊行, 周圍hae...最後我地走左去學扎氣球, 入左氣球部...

氣球部大合照...

我隻狗...

做左義工, 起碼覺得自己冇咁自閉, 義工們都好nice, 大家都唔識大家, 但係大家行埋就可以傾到計, 講到笑, 三唔識七可以吹水吹好耐, 依種感覺先最珍貴, 都係我最想要既...

唔知點解又被人叫去影相, 黎個大合照...

做義工, 為個社會負番d責任..."感覺良好"...留汗留到好似沖涼咁到值得...