熱情的沙漠

成個weekend氣溫有38-40度, 成個人有溶緊既感覺, 依度真係一個沙漠...

星期五請左半日假參加綿既畢業禮, 又多一個master friend, 叫到自己還要加把勁. usc都唔一個自己太鐘意既地方, 再加上熱到飛起, 舉起相機既衝動自然欠奉, 都係俾人影下相, 自己玩下DS好過. 太陽照正頭蓋骨, 係無反光板情況下(wishlist items + 1), 只有用閃燈補補光, -1.3ev個人先無咁爆, 但係人面因為閃燈變得唔自然, 原因何在, 點先解決到似個問題, 研究研究. 暫時只能交行貨...

星期六, 到左pasadena既lacy park影眾人既畢業相, 環境唔錯, 陽光充足, 靚草靚樹, 活潑model, 獨欠cpl(wishlist item + 1). 有番d風同樹蔭, 影得無咁辛苦, 興致就番黎, hehehaha左一個下午, 老土既沙龍照, 睇到自己都忍唔著笑...

朋友分隔多地, 一切還好嗎?
  難得相聚, 下次再見又是何時?
    發生任何事, 我都會在遠方支持...

奉公守法

電話響起...
婉君拎起電話, 係友人A搵家明.

婉君: 友人A搵你...
家明: 你幫我聽著先啦...
婉君: 點解?
家明: 揸車傾電話犯法嫁...
婉君同友人A講: ...佢依家揸緊車傾唔到電話喎...
友人A: 你地去緊邊?
婉君: 係屋企hae...
友人A: 係屋企? 唔係揸緊車咩?
婉君: Mario Kart...要join嗎?
友人A: ...

one step into full film

繼12月買左支180/2.8後, 4月又係ebay bid左部FM2n, 全手動機械機, no battery required...

人地問我依家已經係數碼時代, 點解重要走番轉頭用菲林機??? 我相信菲林同數碼係可以并存既, 兩者不可取締. 數碼相機有既係方便快捷, 可以有take two, 但係對於我黎講, 就總係缺少左份活生生既感覺, 係依方面菲林就俾到我, 可能因為d相可以揸上手既關係卦. 每次用部D80影完, 睇過就算, 重來唔會曬出黎. 依家用菲林, 影完無得review, 影完一筒菲林後都已經唔記得自己影過d乜, 攞去曬完, 拆開袋相既緊張心情, 揸著副相既實在感, 唔知自己影過d乜既果種驚喜, 與家人/朋友揸著疊相慢慢睇, 一齊傻笑, 張相片一張張放入相簿既滿足, 依d都係數碼機俾唔到既...

FM2, I love you...

月供股票

今日終於為實踐自己投資計畫踏出第一步 - 月供股票.

月供投資計劃，讓您以每月供款方式建立投資組合；更可藉定額投資，享受較低平均購入價，兼享股市上升帶來的潛在增值。
特點

* 投資不需巨款
每月只需供款1,000元，即可購買指定的上市股票及基金。
* 減低市場波動的影響
透過「成本平均法」，您可以貼近投資期內的平均價購入心水股票，而毋須擔心市場波動。

對於我依d無乜家底, 無時間去做research, 又唔想take risk既人, 的確係一個好好既儲錢方法. 每月有一日會攞一筆你set定左既錢去買你既投資組合, 隨時加減碼, 咁就可以迫自己每個月預依筆錢去儲.

首次投資, 都係買返隻穩健d好, 自己首選會瘋, 每年連股息8%以上既回報率, 已經高過通脹, 好過放係銀行做定期, 再做埋以股代息, 股息就會有每年8%既回報率, compound interest既威力唔需要懷疑, 9年內價值就能升一倍, 再加上每月供股, 3,40年後可以想像下變成點.

因為compound interest, 出黎搵錢後用儲落既錢投資的確好重要, 今次做既係超長線投資, 就寫係度提醒自己, 唔好半途而廢, 謝絕一切炒賣, 為自己踏出第一步, 做到財務自由, 早d退休...

update一下

已有一段時間停寫左xanga, 我重可唔可以繼續寫落去...

先update一下近況, 近個月黎心情總係普通至低落. 媽番左香港玩, 食飯方面就變得麻煩, 還好情況不壞.

因為個人無乜休息, 番工係freeway就到公司時, 可能睡著, 就撞車了, 人無事, 車仲行得, 算係好彩仲有d狗屎運, 只係車門同軚軨要換, 再加保險公司送上無盡既煩惱. 最唔開心既係因為撞既係細佬既車, 自己就講句對唔住都唔敢, 雖然無俾人話, 細佬更安慰自己, 但自己心裡總不是味兒...有諗過搬到近公司既地方住, 奈何財政上唔容許, 似乎無咩野我可以做既, 繼續既揸車, 繼續既將時間放係communte上...

近來身邊朋友一個一個咁番香港, 朋友好似越黎越少, 番左church一斷日子, 識到好多人, 算係一件好事. 唔知自己有冇做錯, 感覺自己好似利用左教會, 利用左神, 雖然無害無惡意, 但係感覺就係有點不對. 經常記番起Gus既一番話, 我依個自認為清醒既頭腦, 開始有d裂痕嗎? 好多rm -rf撞埋黎...

穌光一照, 開始學用ps, 卒走左d電話線同天線, 路還很長...

新年過後...

不太想面對工作, 手頭上既工作一波三折, 好似未曾順利過, 係我能力太低嗎???

weekend有storm, 不停落雨, 心情并無變差, 只係多左份擔心:
1) 細佬車條士啤呔換左未...
2) 大家出入會否平安...
3) north cal大雨到停電, 希望只係造成不便.
4) 將呔調轉裝果條臭飛*, 唔知佢會唔會發生意外...

* 兩個月前到車行換機油, 條柒到喊既臭飛到車行投訴有野整唔好, 我經過望一望駕柒到喊既bmw... huh? 尾呔呔紋調轉哂既??? 立即暗地裡恥笑...識車既人都會知呔紋係濕地係用黎排出係地面與呔面之間既水, 如果將車呔拎轉安裝, 會相反推更多水到地面與呔面之間, 令車呔抓唔到地, 形成打滑...正當我想通知佢依個可悲既事實, 令佢不至於發生意外影響其他人既時候, 佢就將車開走左, 好可惜, 可能我講少左一句就失去阻止意外發生既機會, 所以每次落雨時都令我醒起佢...

新屎坑...

舊屎坑過去...

2007係估你唔到既一年...
走黎走去, 又番左黎;
賣左愛驅;
開始了投資(機);
入左泥坑, 真係萬劫不復, 但認識到同好既感覺真好;
知道同事係可以做朋友, how amazing;
閃電搵到工, 多得好友相助;
很多事都睇得好化, 係好事定壞事;

除夕夜, 撞番好多自己連名都唔記得既人, 感覺似playback, 你又想話啲咩野俾我知...
倒數都無做到, 因為估唔到已經夠鐘...

新屎坑來臨...

希望唔係掙香三日, 香足一年吧...
希望一切安好, 身體健康, 包括你, 你, 你同你...