野外怒出

上星期五晚上, 跟同事們上大東山影日出...可惜天公不造美, 到山頂時被雲層包圍, 什麼也影不到...=.=

濃霧中的大機四小強...你能認得出是誰嗎?

山頂零收穫, 六點半就落山了, 走出雲層就是一片晴朗, 到了空曠的地方當然要怒影一番補數... 行過 pineapple lid breaker, 地獄式落千幾級樓梯既黃龍坑郊遊徑後, 終於看見現代化產物石屎路, 再走多大既兩小時, 終於到達東涌, 大家食過早餐就回家昏迷, 又無左一日...

近排返工大家都有同一話題, 珍姐應該能夠順利成為本月之星, 同事更為此買個domain返黎開個forum俾大家討論, 情況已經超越了我能想象得到的...其實係依個情況之下, 我地應該揾方法與以協助, 帶佢走返條正常既路呢, 但係我同其他人一樣, 都只站在旁邊狂笑, 我想我還不是怎麼愛幫助有需要的人...可憐了珍姐...

看了 The Simpson movie, 笑到俗親, 又有教育意義...有人說小朋友很適合睇simpson, 但是在美國部戲唔係 PG-13 嫁咩, 套戲係有教育意義, 但係笑位已經蓋過一切了, 小朋友可能接收唔到d好既message, 反而學曬d衰野, 要知到小朋友學衰野既速度大人係想象唔到既, 所以我想將來如果佢仲有得做既話, 我會同仔女一齊睇, PG-13啊嗎...

星期五下午, 打了我返工後的第一個8號風球, 聽說上8號風球後的兩小時大部份交通會停駛, 我想在cyberport應該更嚴重吧, 大家都像走難般離開, 公司車就給過海的人和女士吧, 自己就和剩下的同事坐巴士走, 平時無乜人坐既巴士這天也擠滿了人, 巴士上斜坡時就因為無力多次停在路中心, 部份乘客要自己走上山坡, 在坡頂再上番車...到了市區又塞一輪車, 到地鐵又是同一情況, 商業區每個站的門口都像有一步兵縱隊試圖衝進車廂, 每次都聽到車內發出的慘叫和救命既聲音, 和車外一些普通話的詛咒...最不安的, 是全世界的電話也打不通, 其實沒什麼, 只是有點擔心...像是世界末日般的下午, 用了兩個多小時才回到家...

只有一個月的時間, 我能夠做什麼, 是否要搞事, 我還未弄清楚, 做了俾人鬧的機會很大, 但不做自己就一定會後悔...很想去愛, 也很想被愛, 但自己偏偏將愛情放到很低的位置...